ಯುವ ನಾಯಕತ್ವಕ್ಕೆ ಹೊಸ ಮೆರಗು: ಯುವಕರ ನೆಚ್ಚಿನ ನಾಯಕನಾಗಿ ಮಿಂಚುತ್ತಿರುವ ಅಝೀಝ್ ಬೋಳಿಯಾರ್

ತಮ್ಮ ಸಂಘಟನಾ ಚಾತುರ್ಯದ ಮೂಲಕ ಯುವಜನತೆಯ ನೆಚ್ಚಿನ ನಾಯಕನಾಗಿ ಅಜೀಝ್ ಬೋಳಿಯಾರ್ ಹೊರಹೊಮ್ಮಿದ್ದಾರೆ. ಯಾವುದೇ ವ್ಯಕ್ತಿಗೆ ಸಮಸ್ಯೆ ಬಂದರೂ ತಕ್ಷಣ ಸ್ಪಂದಿಸಿ, ಮುಂಚೂಣಿಯಲ್ಲಿ ನಿಂತು ಕೆಲಸ ಮಾಡುವ ಗುಣ ಇವರನ್ನು ಯುವ ನಾಯಕತ್ವದ ಶಕ್ತಿಯಾಗಿ ಬೆಳೆಸಿದೆ.

ಹಲವು ಸಾಮಾಜಿಕ ಸಂಸ್ಥೆಗಳು, ಯುವ ಸಂಘಟನೆಗಳು ಹಾಗೂ ಜಮಾಅತ್ ಕಮಿಟಿಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಅವರು, ಸಮಾಜದ ಪ್ರತಿಯೊಂದು ಒಳ್ಳೆಯ ಕೆಲಸಕ್ಕೂ ಸದಾ ಬೆನ್ನೆಲುಬಾಗಿ ನಿಲ್ಲುತ್ತಾರೆ. ಕೋವಿಡ್ ಕಷ್ಟಕಾಲದಲ್ಲಿ ಬಡ ಮತ್ತು ಅಗತ್ಯವಿರುವ ರೋಗಿಗಳಿಗೆ ಮನೆಬಾಗಿಲಿಗೆ ವೈದ್ಯಕೀಯ ನೆರವು ಹಾಗೂ ತುರ್ತು ಸೇವೆಗಳನ್ನು ತಲುಪಿಸುವ ಮೂಲಕ ಮಾನವೀಯತೆ ಮೆರೆದಿದ್ದರು.

ತಮ್ಮ ಸಿದ್ಧಾಂತ ನಿಲುವಿನಲ್ಲಿ ಎಂದೂ ರಾಜಿ ಮಾಡಿಕೊಳ್ಳದ ಅಜೀಝ್ ಬೋಳಿಯಾರ್ ಅವರು, ಇಂದು ಯುವಕರು ಮತ್ತು ಹಿರಿಯರು ಸೇರಿದಂತೆ ಎಲ್ಲ ವರ್ಗದ ಜನರ ಪ್ರೀತಿ-ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಸಮಾಜಮುಖಿ ಕಾರ್ಯಗಳ ಮೂಲಕ ಯುವ ನಾಯಕತ್ವಕ್ಕೆ ಮಾದರಿಯಾಗಿ ತಮ್ಮದೇ ಆದ ಛಾಪು ಮೂಡಿಸುತ್ತಿದ್ದಾರೆ.

ಸೋಷಿಯಲ್ ಡೆಮಾಕ್ರಟಿಕ್ ಪಾರ್ಟಿ ಆಫ್ ಇಂಡಿಯಾ ಪಕ್ಷದ ಸಕ್ರಿಯ ನಾಯಕರಾಗಿರುವ ಅಜೀಝ್ ಬೋಳಿಯಾರ್ ಅವರು, ಪಕ್ಷದ ಜನಪರ ಆಶಯಗಳಿಗೆ ಸದಾ ಬದ್ಧರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ದೇಶದ ಪ್ರತಿಯೊಬ್ಬ ನಾಗರಿಕನೂ ಗೌರವಯುತವಾಗಿ, ಯಾವುದೇ ಬೆದರಿಕೆಯಿಲ್ಲದೆ ಮತ್ತು ಆಹಾರದ ಅಭಾವವಿಲ್ಲದೆ ಜೀವಿಸಬೇಕು ಎಂಬ “ಹಸಿವು ಮತ್ತು ಭಯಮುಕ್ತ ಸಮಾಜ”ದ SDPI ಯ ಮೂಲ ಸಿದ್ಧಾಂತದ ಹಾದಿಗೆ ಅವರು ಸಂಪೂರ್ಣ ಬೆಂಬಲವಾಗಿ ನಿಂತಿದ್ದಾರೆ. ಸಮಾಜದಲ್ಲಿ ತುಳಿತಕ್ಕೊಳಗಾದವರು, ದಲಿತರು, ಅಲ್ಪಸಂಖ್ಯಾತರು ಹಾಗೂ ಹಿಂದುಳಿದ ವರ್ಗದವರ ಹಕ್ಕುಗಳಿಗಾಗಿ ಧ್ವನಿಯೆತ್ತುವ ಪಕ್ಷದ ಆಶಯಕ್ಕೆ ಬದ್ಧರಾಗಿರುವ ಅವರು, ಪ್ರತಿಯೊಬ್ಬರಿಗೂ ಸಮಾನ ಅವಕಾಶ ಮತ್ತು ನ್ಯಾಯ ಸಿಗಬೇಕೆಂದು ಗಟ್ಟಿಯಾಗಿ ಪ್ರತಿಪಾದಿಸುತ್ತಿದ್ದಾರೆ.

ಇದರ ಜೊತೆಗೆ, ಭಾರತೀಯ ಸಂವಿಧಾನ ನೀಡಿದ ಮೂಲಭೂತ ಹಕ್ಕುಗಳನ್ನು ಮತ್ತು ಜಾತ್ಯತೀತ ಮೌಲ್ಯಗಳನ್ನು ಎತ್ತಿಹಿಡಿಯುವ ಸಿದ್ಧಾಂತದ ಹಾದಿಯಲ್ಲೇ ಸಾಗುತ್ತಿರುವ ಅವರು, ಯಾವುದೇ ಅಧಿಕಾರದ ದುರ್ಬಳಕೆಯ ವಿರುದ್ಧದ ಸುದೀರ್ಘ ಹೋರಾಟದ ಹಾದಿಗೆ ಸದಾ ಗಟ್ಟಿ ಬೆಂಬಲ ನೀಡುತ್ತಾ ಬಂದಿದ್ದಾರೆ. SDPI ಪಕ್ಷದ ಈ ಜನಪರ ಮತ್ತು ಶೋಷಿತರ ಪರವಾದ ಸಿದ್ಧಾಂತಗಳ ಮೇಲೆ ಗಟ್ಟಿ ನಂಬಿಕೆ ಹಾಗೂ ಒಲವು ಹೊಂದಿರುವ ಅಜೀಝ್ ಬೋಳಿಯಾರ್, ಪ್ರಸ್ತುತ ಯುವಜನತೆಯ ಭರವಸೆಯ ನಾಯಕನಾಗಿ ಹೊರಹೊಮ್ಮಿ ಎಲ್ಲರಲ್ಲೂ ಹೊಸ ನಿರೀಕ್ಷೆ ಮೂಡಿಸಿದ್ದಾರೆ.